De architectura Iacobi Androuetii du Cerceau, opus: Quo descriptae sunt aedificiorum quinquaginta planè dissimilium ichnographiae, in omnium non modò potentiorum, sed etiam mediocrium & tenuiorum gratiã, quos aedificandi studium oblectat: Adiunctâ vsus & commoditatis in habitationibus singulis expositione, vnà cum integra cuiusque aedificij dimensione. Hûc accedit breuis explicatio de structurarum, quibus aedificia constant, dimensione per orgyiam, que Gallica est architectorum mensura, sex longa pedes: Quâ certè methodo nemo non aedificia quaevis metiri, & futuri in aedificando sumptus rationem secum inire poterit. Sed & ipsa cuiusque aedificij ichnographiâ, velut paradigmate & archetypo quodam, non solùm caementarij ac tignarij fabri, aliíque id genus opifices, verùmetiam quicunque describendis rerum imaginibus delectantur, de apta aedificij cuiuslibet descriptione praeclarè admonẽtur. Ex quo fructum non mediocrem pari voluptate coniunctum capere licet.